13–14-mart kunlari yurtimiz bo‘ylab “Yurt obodligi, avvalo, mahalladan boshlanadi” shiori ostida umumxalq xayriya hashari bo‘lib o‘tdi.

Bulung‘ur tuman 20-son Bolalar musiqa va san’at maktabida ham ushbu hashar ishlari uyushqoqlik bilan tashkil etildi.

Xalqimizning asrlar davomida saqlanib kelayotgan ezgu fazilatlardan biri hashar hisoblanadi. Uning zamirida Vatanni sevish, yurtni obod etish, farovon turmush barpo etishga intilish mujassam. Borliq uyg‘onib, bahor fasli kirib kelganida joylarda hasharlar o‘tkazish, hududlarni obodonlashtirish tadbirlarini amalga oshirish azaliy an’anaga aylangan.

Ushbu hashar davomida ariqlar tozalanib, obodonlashtirish ishlari amalga oshirildi, manzarali va mevali daraxt ko‘chatlari ekilib oqlandi, atrof chiqindilardan tozalandi.